雯雯公審「恩人」帶病菌細路入屋 張致恒懶理兒子窒息：仲有呼吸咪得

雯雯Post出黑底白紙圖，留言公審「恩人」：「屋企存在病菌，一個傳一個，仲要全部未病好，今日帶一個朋友小朋友嘔咗，回家沖涼，坦白講對人哋同自己小朋友負責任嘅係咪唔應該呢個時候去博，我知道，呢位朋友幫咗我哋好多，我哋係冇可能拒絕，但咁多小朋友，我相信真心朋友嘅會明白。」

隨Steven開始正常工作番，雯雯都似乎同外家和好，早前佢同細仔慶生，外家家人都有特登入元朗。而雯雯呢日又再鬧爆Steven唔理仔仔病況，雯雯幸得自己阿媽安慰，佢留言：「今日朗朗仲要呼吸唔到要立刻去醫院，當時你（Steven）喺出面招呼緊朋友，仲要走入嚟大大聲鬧我，連朗朗辛苦到喊到咁犀利，都望咗我一眼，細細聲叫咗我一聲媽咪。再到我媽打來，聽到我喊都安慰我，叫我快帶朗去醫院。最記得：『佢依家仲有呼吸咪得。』」

夠未爆發嘅雯雯不忘自嘲：「係呀，我靜咗咁耐又出嚟發癲。」Steven難得再建立起努力工作新好爸爸形象，又再被雯雯「踢爆」。早前Steven Post出為仔仔慶生照，當時佢表示：「張天樂一歲生日啦，呢張相就係我哋平時嘅生活寫照，四個仔真係好難搞，根本冇可能可以正常影到一張相，但係可以照顧一個屋企係我嘅福份，我鍾意呢一份熱鬧，雖然係辛苦，但係總好過唔知為乜生存！」