片中羅天宇与张景淳以及李兴华一同经营小食店
片中羅天宇同張景淳以及李興華一同喺佢哋經營嘅小食店入面工作，一開頭天宇捧住托盤出餐，李興華就「no look開」為天宇打開小門，天宇感受到對方嘅小心思，就含羞甜笑。之後天宇又兩手拎住吉嘅水壺，張景淳就預先幫佢開水喉，天宇又再含羞笑。最後三人一同出現，天宇準備執貨，張景淳就預先幫佢打開櫃門，天宇踎低之後，李興華就人手幫佢擋住櫃頂，以防佢頂到，天宇被兩男嘅愛包圍，再次甜甜的。
短片引发海外观众热议
片段分享咗唔夠一個星期，竟然累積咗25,370,000次觀看次數、1,830,000個讚好、16,000個留言以及336,000次轉發，非常誇張！而最勁嘅係觀眾們有唔少都係來自海外，衝出國際，當中留言有西班牙文、泰文、印尼文以及英文等；天宇更加係男女通殺，有唔少男士都留言大讚佢靚仔，鍾意睇BL嘅女士亦有留言。
羅天宇分享拍片初衷
本網訪問羅天宇，天宇表示拍呢啲片段都係為咗佢哋盤生意搞下宣傳，想多啲人識，冇估到會咁爆，完全係冇心插柳。天宇提到自己拍片嘅初心都係為咗娛樂大家，所以反應咁好佢都好開心。
羅天宇的感情生活
羅天宇2008年參選香港先生入行，曾經認愛過三個女友，當中包括林芊妤、苟芸慧同湯洛雯，而同佢傳過拍拖嘅女神就有蔣家旻、陳曉華、何依婷、陳瀅同戴祖兒等，仲有依家嘅緋聞女友「東張女神」陳㦤德，個個都樣靚身材正！
圖片來源：Instagram
发表评论