企業強人｜張曦雯自嘲光頭頭套Look似外星人  認好震撼親揭「頭上自帶兩角」

企業強人｜張曦雯光頭look

女主角之一的張曦雯（Kelly），光頭病人造型一播出後引發極大迴響，有網民笑言似外星人，對此，張曦雯不但不介意，更大方親揭戴頭套之苦：「嗰個光頭造型我自己睇到都好震撼。（陳豪：你好適合光頭）Marco（監製）已經剪短過我頭髮，我唔會為佢剃光頭架。」

企業強人｜張曦雯自揭「頭上自帶兩角」

張曦雯續稱：「我本身個頭已經好大，同埋起角，本身有兩個角喺度，所以我買帽永遠係搵唔到我嘅Size。加上我啲頭髮又厚啦，要收埋喺頭套入面都幾考功夫。因為出嚟效果要圓，所以啲頭髮要分佈得好平均（喺頭套入面），如果唔係就會一嚿嚿。嗰場係我第一日拍頭套戲，所以（感覺）都幾震撼，有少少外星人嘅感覺。」

向來是搞笑擔當的阿Mo，聽到Kelly頭上自帶兩角即笑到驚現魔音、更一度「紅都面晒」，獲網民留言大讚「魔性笑聲」別具魅力。阿Mo笑完一輪，再笑指Kelly光頭造型有光環，搞到Kelly哭笑不得謂：「你啱啱先話似外星人。」全場笑作一團。