鍾鎮濤勁撐20歲二女入行做歌星 鍾懿三點式大解放身材比例完美

鍾懿日前捉住夏日嘅尾巴，去海灘曬太陽，身穿藍色比堅尼大騷火辣身材。其中一張相見到鍾懿雙手拎住椰青，腰線超明顯嘅葫蘆身形弗得誇張；而細看之下發現佢一批相嘅泳衣並唔一樣，未知佢係同一日換兩套泳衣定係兩日嘅美照。鍾懿曬得一身古銅色肌膚，背面睇仲以為係歐美美女，其中一張相未知鍾懿係咪怕走光，所以低頭檢查泳衣，而坐低鍾懿都有「摺」出小腹，認真苗條加春春無敵！

另外，3個月前鍾懿已正式出道，鍾懿同爸爸鍾鎮濤與媽媽范姜素貞猶如餅印，她自小甚有表演慾，不時父女檔上陣演出，係出位嘅星二代之一。鍾懿獲爸爸多位圈中好友力撐，於內地音樂綜藝《奔赴！萬人現場》宣布出道時，現場播放張學友、梁家輝、杜德偉、關之琳、舒淇、任賢齊、陳小春、楊謹華、溫拿等助威團短片，舒淇更片中自稱係鍾懿「初代粉」。阿B亦於微博分享多張鍾懿出席是次活動的花絮照，留言：「長大了的鍾懿首次以自己的身份亮相，大家多多支持。」

其實鍾懿兩年前已遠赴英國升學，去外國讀電影入娛樂圈鋪路。當時范姜喺社交平台透露女兒同時獲英國King's College London, University of London、University of Manchester及London Film Academy三間大學取錄、修讀與電影有關的課程，佢留言說︰「很開心，很欣慰，很捨不得。你讓我們為你感到驕傲，Blythe！你應得的！」