郭珮文驚爆完美筍盤黃宗澤「唔要我」公開15歲單純初戀剖白三段情史偏愛成熟男

郭珮文爆黃宗澤「唔要我」

談及感情，郭珮文表示：「我係鍾意比較有責任感同心地善良嘅男仔，同埋我係鍾意大過我嘅男仔，因為成熟啲同埋有擔當，試過同大我十年嘅人拍拖，我鍾意被人照顧感覺。」郭珮文亦大讚同劇的黃宗澤：「佢係筍盤呀！佢方方面面都咁完美，可惜佢唔要我！我都唔知佢會鍾意啲乜！」

郭珮文指至今有過三段認真感情，初戀發生於15歲：「因為我係香港同英國都係讀女校，所以初戀要去到美國先發生，嗰時15歲係好單純愛情。三段關係都很長時間，都以年計，都係同中國人拍拖，但拍得耐咗大家發展方向都唔同，最後就分開。」

郭珮文指回港後至今單身，至於入娛樂圈後，有沒有遇過追求者？郭珮文就話「唔覺得娛樂圈係好混亂，因為根本都無人搵過我，都無人溝我！」談及理想對象，郭珮文坦言情傾成熟男性，過往的三段情，男友們都比她年長兩歲至十歲。