影帝張家輝自揭係《中年好聲音》忠粉
節目中，向來幽默的張家輝忽然反問主持泉叔：「你哋係咪TVB架？」引爆全場爆笑。張家輝續說：「我覺得呢個節目好成功，我真心架，呢個節目畀咗中年人一個機會，佢後面嘅故事係感性嘅，呢個係節目嘅元素，亦因為呢啲元素，令到節目好睇咗」、「我自己（睇得）好開心啦，睇到佢哋點樣晉級呀、點樣好努力、點樣有啲有talent、有啲參加過就滿足，都係幾正面一個節目。」
當泉叔追問張家輝會否考慮上節目做評判時，張家輝坦言直頭想做參賽者，並促請無綫搞藝人版《中年好聲音》，張家輝說：「我直頭想參加，唓！有冇搞錯，點解唔搞個《中年藝人好聲音》。」
張家輝開玩笑唔敢參加
不過，張家輝事後笑言其實自己沒有勇氣參加：「其實我唔敢呀，我唔夠架生呀，你諗吓喇，我一生可能有幾首歌唱得幾好嘅，可以攞嚟劈吓，但要進級同唱幾十首，首首仲要『Bin ling嘭難』咁走出嚟，我覺得好困難呀其實！」
发表评论