姜濤加入「黑圖」戰團拋震撼彈 曾自嘲鼻毛長得快要經常「除草」

以往MIRROR成員經常鬥貼其他隊友的黑圖，多數都是偷影其他人出發工作時，在車內睡覺的醜態，最初成團時，12子不時笑言姜濤有一張「終極」黑圖在邱士縉（Stanley）手中，當時做威脅工具，不過後來姜濤都笑言不介意，還稱可以自願公開。

之後大家都間中會出動其他隊友黑圖，早前邱士縉生日，呂爵安（Edan）貼出壽星公「低炒」攝影角度露大鼻孔的睡相後，姜濤加入戰團，則貼了對方穿底褲相賀壽，認真貪玩。而近日，他們玩上癮，甚至貼自己的醜態黑圖，呂爵安之前就貼了台上表演時，面容扭曲如「照妖鏡」一樣的圖片。

跟住姜濤都忍唔住手，親自貼出自拍照，昨晚（27日）他深夜收工回家，他先分享了一些靚仔樣照片後，就刻意剪裁了兩張超近鏡鼻孔照片，兩鼻孔都露出鼻毛，完全放棄偶像包袱地玩。

其實，姜濤體毛旺盛都出晒名，之前出席活動時，就曾被影過不慎露鼻毛的照片。他去完巴黎時裝騷後回港接受訪問時，就曾經自爆，在當地出騷前，必須記住自己要清理儀容：「毛同指甲都生得好快，通常都會掹。」

姜濤亦有一次去商台接受訪問，被問每次照鏡第一件事睇邊一部位時，他坦言是鼻毛：「會望自己嘅鼻毛有冇凸出嚟先，曾經有個廣告，我唔記得掹，結果出咗街。」其實他已經去到不介意公開自己醜態的姜濤，曾經分享過一張跟邱士縉坐直升機時，自己一張肥相，還將《反轉腦朋友2》其中一個角色「阿尷」做對比，而且大眾都覺得他跟卡通角色十分似樣。