陳欣妍(Shirley)前晚起一連兩晚首次亮相tvb Plus,代班做女主持,由於節目是直播又多台詞要記,所以一開始Shirley都表現得非常緊張,眼神不斷四周望。電影出身的Shirley過往多數都為ViuTV的劇集和節目拍攝,其中她跟沈殷怡(Shirley沈)一齊以性感運動裝主持《美女郊遊遊》而為人熟悉,一連兩輯《反起跑線聯盟》都飾演年輕人母Pamela,十分「入屋」。有趣的是Shirley有份主演的劇集《反起跑線聯盟2》在ViuTV每晚9點半播出,跟TVB Plus的《我推的野男LIVE》完美「撞」時段,換句話講,Shirley一腳踏兩台食「兩家」茶禮,同時又「自己打自己」,相當厲害!

我推的野男LIVE丨陳欣妍首次亮相TVBPlus做主持 背男友沈震軒𥄫仔 網友:以為睇緊Viu  第1张

31歲的Shirley跟男朋友沈震軒拍拖多時,兩人經常都會公然「放閃」,又一齊拍攝同居生活的YouTube片,甜蜜到爆,今次Shirley背住男友「攞正牌」公然𥄫仔,似乎都越來越享受。面對經驗豐富的胡蓓蔚,Shirley表現得較為放鬆,表情多多,網友反而問是否胡蓓蔚面黑黑而且望都唔望Shirley一眼,議論是否不太滿意Shirley。不少網友都留言:「見到火火同Shirley,以為自己睇緊ViuTV」、「係咪沈震軒拉埋佢入TVB?」、「Shirley自己條仔都夠晒大隻!」、「成班ViuTV人過晒嚟?」等等。

首次直播,Shirley表現算不錯,相反同一晚的「小編」湯之欣不斷講「外星話」,差不多一分鐘時間獨自發揮的時間,最終完全唔知道佢想表達啲咩,「呢個遊戲真係好考爆炸力,我睇呢個遊戲真係好考爆炸力,個車軚有幾重?70kg?即係一個半嘅我,睇佢哋一陣間可以點樣先,如果佢哋呢個遊戲...如果用好多爆炸力,如果之前用少啲力,之後用多啲力會唔會好啲呢?一陣可以問下野男一陣有咩技巧會好啲先!」唔算食螺絲,但講來講去都辭不達意,睇嚟湯之欣真係要多多加油。

我推的野男LIVE丨陳欣妍首次亮相TVBPlus做主持 背男友沈震軒𥄫仔 網友:以為睇緊Viu  第1张

我推的野男LIVE丨陳欣妍首次亮相TVBPlus做主持 背男友沈震軒𥄫仔 網友:以為睇緊Viu  第3张