中学生因与母迷MIRROR受到同辈歧视，坚强地「走出镜柜」，并得到吕爵安的拥抱和安慰。

一名中四學生經歷被歧視的故事

一名中四學生鏡粉表示自己因為鍾意MIRROR而俾朋友歧視。佢撰文指MIRROR爆紅初時，身邊幾個朋友都係反鏡，佢指自己當時都對MIRROR反感，同朋友一齊恥笑MIRROR。

兩年前，事主就因為阿媽而半被迫睇MIRROR嘅演出同節目，反而慢慢MIRROR嘅人品同能力改觀，然後就做咗佢哋嘅fans。不過佢都係唔敢同朋友講，怕被歧視，當朋友鬧MIRROR時，甚至必要時仍然會附和佢哋。不過直到MIRROR演唱會意外，有朋友同佢講同情受傷嘅dancer們，但就話希望壓到嘅係事主最鍾意嘅Anson Lo，就令佢終於忍唔住出聲。朋友道歉，但事主感覺被疏遠，令佢潛意識更加唔想鏡粉身份曝光：「加上唔同事件嘅發生令MIRROR嘅haters多咗好多，我真係諗住成世唔出『鏡櫃』。」

直到一月頭，事主同班friend約出街，但當日佢要去睇MIRROR演唱會，佢先終於「出櫃」。而朋友們嘅反應都好負面，令佢非常尷尬，之後仲三不五時send出MIRROR嘅片段諷刺事主，其中一人更同佢講：「希望你有一日變返正常人啦。」年少嘅事主唔想放棄朋友，都唔想放棄MIRROR，上網求教。唔少網民都勸佢搵一啲會尊重佢嘅，朋友MIRROR成員呂爵安（Edan）睇到文章，竟然留言一個攬攬emoji安慰。

事主非常感動，事後以真身喺threads多謝Edan：「我而家更加肯定 我唔會因為人哋嘅諗法而影響對你哋嘅愛而且第一次感受到你哋平時俾人用cm網絡攻擊嘅感受。」