東張西望丨陳懿德素顏集氣預告首次坐廠 淡定過關獲前輩李旻芳畀100分

陳懿德大素顏示人，雖然加上濾鏡，但絕對是勇氣可嘉，德德說：「今日咁早返嚟公司，點解呢？因為今晚我將會第一次正式坐廠喇，好開心。」她更提醒大家7點半要開電視支持她的「第一次」。

德德接受本網電話訪問，她表示：「直播開騷前嘅心情有啲期待，因為好享受每次做LIVE，面對好多不確定性嘅刺激。其實早兩日已經返過公司試廠，同埋返去睇朱凱婷同梁麗翹兩位師姐做廠，佢哋叫我唔使擔心，畀咗好多貼士我，同埋幫我打咗支強心針，真係好Sweet！而今晚我拍檔係李旻芳，佢真係好好，會陪我不停練習，令我都放鬆好多。」

今次德德拍住前輩李旻芳，並齊齊以藍色系服裝襯到絕上場，過往都有不少主持經驗的德德表現得非常淡定，而且全程笑容滿面，成功過關。李旻芳在節目尾聲都大讚，「德德你今日第一次做廠，我畀你100分！」網友對她表現似乎都滿意，不知道緋聞男友羅天宇係咪都一樣有捧場呢？