杨千嬅3日过50岁生日，举行迷你音乐会大派对

杨千嬅3日过50岁生日，踏入半百大日子，杨千嬅举行迷你音乐会大派对，与近千粉丝同欢！杨千嬅更在台上提到自己多年来的心路历程，包括近年遭网暴、被乐迷唾弃碎CD，对话真情流露。杨千嬅虽然中途强忍眼泪，但最终都忍不住，泪洒台上，有粉丝更把杨千嬅的喊样分享上小红书，天后眯埋双眼双手拉眼角，劲似扮鬼脸。

杨千嬅一早决定香港过50岁生日

杨千嬅前晚正日生日，她为满足歌迷的请求，在两个星期筹备了这次超级粉丝聚会的生日会，杨千嬅在台上说：“我系香港出生长大，我一早决定50岁一定要喺呢度同家人及朋友过，好多谢你哋陪我过呢个生日，我真系冇谂过，自己唱歌会唱到半百，哈哈.... 除咗感恩、感激，呢段咁长人生路程，回头望系非常精彩，亦从没遗憾。今日嚟得嘅朋友，我知你哋已经系我家人， 感谢你哋多年来选择咗我，听住我嘅歌，同我一齐成长， 我好耐冇喺香港表演，我唔想喊呀，喊完鼻涕又变痰，唱唔到好唔抵，哈哈。”

杨千嬅：呢几年我经历咗好大考验

杨千嬅唱毕多首歌后，感触地说：“呢几年你哋过得好嘛？我知大家走过唔同经历，都一定系非常之唔容易，我自己都经历咗好大考验，相信大家都目测到我嘅过程，感谢曾经好担心我嘅朋友，你哋唔驶担心我，我过得好好！过程系好唔容易，但我终于知道，杨千嬅出生就系要学识解决问题，我发现我回望人生，我都系笑比哭嘅多，都系开心嘅人生。”

查看更多照片

人生导师：杨千嬅犹如人生导师，勉励歌迷，“过去嘅日子，经历高山底谷，得到好多养份同智慧，我今日好想分享俾大家听，之前嗰几年都几难过，你见到我唔系好出嚟，躲埋咁耐，时肥时肿，俾人影到畸形样，哈哈哈...... 新时代网络风暴系一个好震撼嘅经历，我乜都遇过晒， 几十岁人我同自己讲，有咩未见过？ 真系低处未算低，当我经过呢段日子，我发觉自己真系好强大，今日好感恩，上天俾我喺有力气时，经历呢个浩瀚人生。”

查看更多照片

杨千嬅最后感触落泪

讲心声期间，千嬅多次死忍眼眨泪光，忍不到喊后，她搞笑大叫，“死啦，化咗好耐㗎只眼妆，我呢个水瓶座好跳，唔知自己讲紧咩啦！ 你自己砌返埋佢啦。 人生无去无来，音乐系有来有住，我会努力做更多新作品，唱多啲歌，希望可以继续鼓励到你哋。”