Bonnie今早突然間FB留言說：「一路睇Sammi請演唱會嘅嘉賓，點解全部都係會上ViuTv嘅歌手？如果作為前輩提攜新人，佢又唔請下「星夢」（聲夢）班人？佢而家更完全脫離內地市場㖭（添），意向都好明顯下。大愛一點可以嗎？」激發起網友討論，部分反對的聲音說：「其實大家係咪高估咗歌手嘅話事權？請乜人做嘉賓真係歌手話曬事？背後嘅金主同關係網一早已經安排好曬」、「聽歌姐（啫），唔好加政治入去啦」、「我識唱Sammi 的歌比起Joey + Twins 的歌還要多。不講甚麼立埸心中支持她 」等等。
鄭秀文演唱會仍然在進行中，未來幾場的嘉賓還未有確實名單，但過往幾場的嘉賓有Serrini、林家謙、張敬軒、陳凱詠、YT周殷廷、鄧麗欣、COLLAR及謝雅兒，未知Bonnie口中的「會上ViuTV嘅歌手」係點，不過其實張敬軒、鄧麗欣甚至每晚都亮相的老公仔許志安都有亮相TVB，她著緊「聲夢」歌手，未知是否是「聲夢」的粉絲？但又寫錯「聲夢」成「星夢」，到底有幾愛？有幾支持？
发表评论