盛勁為完成4個考驗潛能爆發 啪生蠔「回血」麥明詩爸爸留言催生仔

盛勁為近日原來除咗小登科之外，仲有大登科嘅考驗，不過都順利解決晒，佢就如釋重負咁出POST，留言：「慶功！食生蠔！終於過曬一系列考驗，Fleet conversion、annual check、結婚、upgrade check四個月內completed all，人嘅潛能真係逼出嚟。」

好友麥大力留言就大讚佢叻仔，而佢都謙虛留言：「Learning from you.（跟你學嘢）」正當佢以為可以放鬆一下之際，岳父大人麥卓生又再留言向佢「施壓」：「Next challenge: 生仔。（下一個挑戰）」盛勁為就回覆岳父：「真正考驗才剛剛開始……」一家人都相當幽默！

其實盛勁為同麥明詩一早就有共識，二人都密密造人，隨時準備迎接小生命，盛勁為更揚言要生好多個，要向圈中多仔公林盛斌取經！一對新人俊男美女、醒目仔女嘅基因咁優秀，唔少人都想睇到佢哋嘅愛情結晶品面世！

圖片來源：Instagram