许家杰：感慨剧集演员离队变常态

许家杰表示：“坦白讲我都觉得系一个循环，大家都冇经历过拍7年嘅剧集，好多演员都出出入入，已经变得一个常态，冇可能7年都系同一班人做，始终都要有新鲜感。每个人发展方向都唔同，世豪离开我哋，我当然好唔舍得，不过同时都期待嚟緊剧情上发展。”

林淑敏说：“我对世豪好有信心，佢唱歌好叻，可以试吓发展唱歌事业，工作上冇得做两姊弟啫，但可以睇佢喺舞台上发光。” 许家杰指相当欣赏郑世豪，拍剧的同时又要创作歌曲，推出多首自己的作品，既然他人生上决定去改变，一定会支持他，“既然佢喺《爱回家》做细龙生咁成功，相信佢喺出面亦可以独当一面，歌唱方面绝对成为佢一种成就。”

至于《爱回家》剧情中，大小姐同龙力士的争接班人地位闹到面红耳赤，网友估计大小姐将会继位别无他选，林淑敏笑言：“点会咁易？编剧写咩都得，可能龙家冇啦啦多个私生子呢？讲唔埋嘅。”

鄧永健说：“唔舍得会嘅，上网睇到佢话会有唔同发展同尝试，希望佢有新转变，做到自己想做嘅事，未嘅唔系壞事。IT部瓦解？Mouse仲喺度，IT部唔会瓦解，我系唔会继续做Router定Ivan就大家继续留意啦，之后会有少少唔同嘅发展，唔可以剧透住但有少少转变。IT部每次演出都好开心，大家夹得好好，一齐去研究点样呈现得有趣啲，但演员出出入入系常有，始终大家系仲喺呢一行，会喺唔同地方再相见，而且大家都有保持联系。”

鄧永健在剧中饰演的Ivan，先后跟Anita（梁茵饰）、侯蔡欣（邵珮诗饰）及May（赵希洛饰）拍拖，不过三位女演员都先后离巢TVB，加上好兄弟杜大伟又因事暂别剧组，认真可怜，当建议孟希璘跟鄧永健在剧中凑成一对，鄧永健笑言：“唔好喇！同亲我一齐嗰啲都走呀！”